Ki ta e kos ku mas bo a gusta na Frater Aurelio?
E kos ku mas mi ta gusta ta gewon e ambiente. E klasnan ku mi a haña den e 5 aña nan aki tabata hopi leuk, hopi great. E yùfrounan tambe ta pone bo sintibo dushi na kas, vooral algun yùfrou, pero ja…nos no ta menshona e kosnan, pero mi eksperensha na Frater Aurelio ta super master, hopi great. Mi a siña hopi i mi a krese komo persona anto mi ta hopi agradesido pa esei tambe.
Tin un momentu ku bo a keda kòrda ku algu great a tuma luga? Algu ku a keda den bo mente te dia dia awe?
Si, hopi resiente mi a yuda aña pasá pa un proyekto ku nan ta tin pa traha un “stage” anto ami ku algun mucha homber a hasi trabou boluntario sin sa ku despues di Covid i tur kosnan ku a pasa nos lo a haña un “cadeautje” masha leuk mes di e yùfrou. Ahmmm ta kon jama e yùfrou atrobe? Di yùfrou Plaate, COACH!! Anto siman pasá mi a hañ’é anto awoki ainda mi ta sintimi mané “special”, pasó bo no ta verwagt algu bèk.
